Skrifstofa – Bóksala
Aðalþjónustuskrifstofa Al-Anon í Sundaborg 5 er opin þriðjudaga 16-18 og miðvikudaga kl. 15-18.
– uppfært 30. ágúst 2023

Al-Anon samtökin á Íslandi leita að starfsmanni, tímabundið, í 25% starf á Aðalþjónustuskrifstofu samtakanna, frá 1. apríl – 31. maí 2024

Aðalþjónustuskrifstofa Al-Anon er upplýsingamiðstöð fyrir þau sem leita til og spyrjast fyrir um Al-Anon samtökin á Íslandi. Einnig sér skrifstofa Al-Anon um sölu og dreifingu á ráðstefnusamþykktu lesefni, ásamt öðrum verkefnum sem lesa má nánar um í þjónustuhandbók Al-Anon. Viðvera á skrifstofu eru átta tímar í viku hverri, opnunartími eftir samkomulagi.  Helstu hæfniskröfur eru eftirfarandi: Reynsla af starfi samtakanna, kunnátta á Word, Excel og Outlook, þekking á sölukerfi er kostur, skipulagshæfni, fagleg vinnubrögð og síðast en ekki síst þjónustulund og lipurð í mannlegum samskiptum. Umsóknarfrestur er til og með 22. mars nk. og æskilegt er að viðkomandi geti hafið störf 1. apríl.

Þau sem eru áhugasöm sendi umsókn ásamt stuttri ferilskrá á  netfangið al-anon@al-anon.is

Nánari upplýsingar veitir Daði, formaður framkvæmdanefndar al-anon@al-anon.is



Stuðnings- og upplýsingasími fyrir aðstandendur
Ef þig vantar stuðning eða upplýsingar þá er hægt að leita til Al-Anon félaga alla daga, allt árið um kring með því að hringja í stuðnings- og upplýsingasíma Al-Anon deildarinnar Stattu með þér. Síminn er 768 7888.
Síminn er starfræktur í anda yfirlýsingar Al-Anon: „Þegar einhver, einhvers staðar leitar eftir hjálp, megi hönd Al-Anon og Alateen ávallt vera til staðar og megi það byrja hjá mér.“
– sett inn 14. júní 2020

Al-Anon fjölskyldudeildirnar á Íslandi
Al-Anon fjölskyldudeildirnar eru samtök ættingja og vina alkóhólista sem deila reynslu sinni, styrk og vonum svo þeir megi leysa sameiginlega vandamál sín. Við trúum að alkóhólismi sé fjölskyldusjúkdómur og að breytt viðhorf geti stuðlað að bata.
Ef þú telur þig hafa orðið fyrir áhrifum af drykkju einhvers, þá hvetjum við þig til þess að fara á fund hjá næstu fjölskyldudeild Al-Anon.
Hlekkirnir hérna vinstra megin veita meiri upplýsingar um samtökin og starfið.

Reikningur samtakanna
Landsbankinn 0101-26-021674 – kennitala 680978-0429
Félagar sem vilja styrkja Al-Anon á Íslandi geta lagt inn á þennan reikning.