Bréf til deilda frá aðalþjónustunefnd
...Megi það byrja hjá mér...
7. erfðavenjan
Kæru Al-Anon félagar. Janúar 2009
Árlega eru Al-Anon deildirnar á Íslandi beðnar um að styrkja sameiginlegt starf samtakanna með fjárframlögum.
Sameiginlega starfið er margþætt en það helsta er:
- að reka upplýsinga- og þjónustuskrifstofu að Grandagarði 14
- að halda úti netsíðunni www.al-anon.is
- að vera með kynninga- og almannatengslastarf
- að sjá um þýðingar- og útgáfustarfsemi á lesefni Al-Anon á Íslandi
- að sinna samskiptum við Al-Anon á heimsvísu
Ein mikilvæg leið til að styrkja starfið er með fjárframlögum. Í anda 7. erfðavenjunnar hafna Al-Anon samtökin öllum utanaðkomandi fjárframlögum.
Al-Anon hjálpar félögum sínum að bera ábyrgð á sjálfum sér, að vera heiðarlegir og finna sinn innri styrk. Sjöunda erfðavenjan bendir á hversu þýðingarmikið það er fyrir hverja deild að þróa með sér þessa eiginleika.
Við sýnum þakklæti okkar til Al-Anon fjölskyldudeildanna í verki með framlögum í þakklætispottinn og tryggjum þannig að deildin og samtökin séu til staðar fyrir alla aðstandendur sem þurfa á bataleiðinni að halda.
Með bréfinu þessu fylgir óútfylltur gíróseðill fyrir framlag deildarinnar til aðalþjónustuskrifstofu Al-Anon samtakanna á Íslandi. Félögum er bent á að sjálfsögðu er alltaf hægt að leggja ykkar persónulegu framlög beint inn á reikninginn nr.0101-26-021674 eða á reikning til styrktar þýðingum og útgáfu lesefnis nr. 0101-05-267926 , kt. 680978-0429.
Með kærri Al-Anon kveðju,
aðalþjónustunefndin.
YFIRLÝSING AL-ANON:
Megi það byrja hjá mér!
Þegar einhver,
einhvers staðar leitar eftir hjálp
megi hönd Al-Anon og Alateen ávallt vera til staðar,
og - megi það byrja hjá mér.